Алаш қызы Гүлнар: Естелік-эссе

Гүлнар Міржақыпқызы Дулатованы Алаш қызы деп орынды мақтан етеміз. Ол өзінің өмірлік байсалды ұстанымымен, терең білім-ілімімен, аналық жайсаң мінезімен, ұлтына деген шексіз де мөлдір махаббатымен, елінің болашағына нық сеніммен қарап, жас ұрпақты бабалар рухымен тәрбиелеуге өлшеусіз үлес қосуымен дараланған тұлға еді. Алаш арыстарының көзін көрген ол, біразының өнегелі өмірі туралы мағыналы да мазмұнды тамаша кітаптар жазып қалдырды. Сөйтіп, еліміздің отансүйгіштік рухани мол мұрасының қалыптасуына зор үлес қоса білді. Гүлнар апай ғасырға жуық ғұмырында азапты да бақытты өмір сүрді. Нақақтан “халық жауы” атанып кеткен Міржақып әкесінің, өзге Алаш арыстарының ақталғанының куәсі болып, елінің сол қайраткерлер аңсап, армандаған тәуелсіздігін көзімен көріп, мүмкіндігінше соның шежіресін жасауға қалтқысыз қызмет етті. Өнегелі ғұмыр жайлы бұл кітап оқырмандардың талғамынан шығатынына сенім мол.