Қазақ афоризмдерi

Қолыңыздағы кітап тарихи-философиялық зердеміздің көкжиегін кеңейте түсетін және ұлттық рухани болмызымызды тереңірек танып-білуге мүмкіндік беретін өзгеше энциклопедиялық жинақтар қатарына жатады. Философиялық хрестоматия ретінде пайдалануға болатын бұл туындының анасы - әдебиет болса, атасы – ой. Көшпелілер ой мұхитының «құмдағы ізін» қармап, «сайдағы тасын» теру арқылы жиырма бес ғасырлық тарихи кезеңді көктей шолған ауқымды афористік антологияда қазақы философия және сөз өнерінің бірегей болмысы, өзгеше өрнегі мен терең мазмұны кең көрініс тапқан. 78 ой иесінің афористік толғамдары тақырып-тақырыпқа бөлініп, топтастырылып беріліп отыр. Оған мақал-мәтелдер, шешендік сөздер мен қаа өлең үлгілері, халық жырлары мен жылнама жолдарынын, айтыстар мен ән мәтіндерінен теріліп алынған нақылдық орамдарды қосыңыз. Тұңғыш рет қазақ афоризмдерінің бағзы замандардан бүгінге дейінгі әр алуан үлгілерін жинақтаған антология мәдениеттанушылар мен әдебиетшілерге, этнографтар мен философтарға, саясатшыларға, жалпы зиялылар мен стедент жастарға, далалық, өркениет болмысын барынша жан-жақты танып-білгісі келетін һәм терең ой мен сұлу сөзге ынтық оқырманға арналған.