Дәурен кешкен

Қазақстанның халық жазушысы, еңбек ері, мемлекеттік сыйлықтың иегері, мемлекет және қоғам қайраткері Әбіш Кекілбайұлының әдеби мұрасы мол әрі сан салалы. Әдебиеттің барлық жанрында өнімді еңбек етіп, тамаша прозалық шығармаларымен әлемге танылған жазушы мұрасының бір парасы - өлеңдері. Бұл жинақты ақынның үшінші жыр кітабы деуге болады. Қаламгердің баспасөзде жарық көргенімен, ешбір жинақтарына енбеген және мүлде жарияланбаған өлеңдері мен балладалары осы кітапта ұсынылып отыр. Кітап қаламгердің әдеби мұрасына қызығушыларға, жалпы әдебиет сүйер оқырман қауымға арналған.