АБЫЛ МЕН ҚАБЫЛ. Сиам егіздерінің өмірі

Бұл романда кеуде тұсынан қосылған, тәндері қосақталған Абыл мен Қабыл есімді сиам егіздерінің өмірі суреттеледі. Роман «Таңсәрі», «Талтүс», «Алагеуім» және «Түн қараңғысы» атты төрт бөлімнен тұрады. Төрт бөлім табиғат пен адам жаратылысының төрт кезеңі секілді бейнеленген. Яғни романда таңсәріден басталып, түн қараңғысына жалғасқан бір күндік оқиға мен сиам егіздерінің отыз үш жылдық ғұмыры баяндалады. Қабыл қайда барады, Абылды алаң- датқан не? Әдебиетте жан әлемінің, тұлғаның екіге бөліну үрдісі бар, алайда тәндері қосақталған, бірінсіз бірі аттап баспайтын, ойдан басқа әрекетін бір- бірінен жасыра алмайтын Абыл мен Қабылдың қайшылығы қандай? Шығарма- ны оқи отырып, мифтік сананың ұшқындарын кезіктіріп, адамзат тарихындағы мыңдаған жылдан бері келе жатқан ақ пен қараның айқасын көре аласыздар.