Қазақ мәдениеті. Энциклопедиялық анықтамалық

«Мәдени мұра» мемлекеттік бағдарламасы бойынша шығарылып отырған «Қазақ мәдениеті» энциклопедиялық анықтамалығында еліміздің мәдени өміріндегі оқиғалар мен құбылыстар, бейнелеу және қолөнері, театр мен кино өнері, көне заманнан келе жатқан сәулет өнері және археологиялық ескерткіштер, өнертану терминдері туралы анықтамалық мақалалар әліпби тәртібімен жүйеленіп берілген. Төл мәдениетіміздің дамуына зор үлес қосқан тұлғалар: сәулетшілер, суретшілер, мүсіншілер, актерлер, киногерлер, композиторлар,әншілер, күйшілер, мәдениеттанушылар, өнертанушылар туралы өмірбаяндық мақалалардың да танымдық-тағлымдық маңызы мол.