Тасбауыр дүниедегі 10 минут 38 секунд

Қайда қараса да, адамның алдынан аппақ құлпытастар шығады. Көлікте кетіп бара жатса да, жол жиегінен, сауда-саттық орындарының, көлік тұрақтарының, футбол алаңдарының маңынан да көреді. Құдды үзілген алқаның жан-жақта шашырап жатқан маржан моншағы сияқты әр бұрыш, қуыстан табылады. Миллиондаған ыстамбұлдық өз әлеуетінің аз ғана бөлігін иегеріп жатса, ол да осы бейіттердің, яғни «ажал» деген түсініктің жақын жатқанынан болса керек.