Алжернонға арналған гүл

Алжернонға арналған гүл - Дэниел Киздің әлемдік бестселлерге айналған ғылыми-фантастикалық романы. Алғаш әңгіме түрінде 1959 жылы баспасөз бетінде жарияланған бұл туынды көлемді романға айналып, 1966 жылы жарық көрді. Кітапта Чарли Гордон есімді ақыл-есі кем жігіттің басынан кешкен оқиғасы, оның өзгелерден ерек әлемі сөз болады. Ол ішкі арпалысы мен жан толғанысын ақ қағазға төгіп, күнделік жазады. Бар болғаны басқа адамдар сияқты ақылды болғысы келген Чарли миына ота жасатуға келіседі. Ал оның нәтижесі қалай болады? Чарли ақыл-есі кемтар жаннан ой-өресі биік, өзгелермен терезесі тең азаматқа айнала ала ма? Жанына батқан жалғыздықтан құтылып, жан-жағындағы қаумалаған жандардың арасынан өзіне сырлас дос табуы мүмкін бе? Ғашығы Алисамен бас қосып, бақытты да баянды ғұмыр кеше ме екен? Оқырман осы және өзге де сұрақтардың жауабын кітаптан тауып, жүрек қылын шертер әсерлі оқиғаларға қанығары анық. Кітап көпшілік оқырманға арналған.