Өмір (Kitapal Classics)

«Өмір» – Ги де Мопассанның ең шынайы әрі сыршыл шығармаларының бірі. Жазушы адам жанының терең тұңғиығына бойлап, нәзік те күрделі әйел табиғатын айрықша шеберлікпен суреттейді. Роман оқырманды бірде үміт пен қуанышқа, бірде күйзеліс пен өкінішке бөлей отырып, өмірдің ащы шындығын сезіндіреді. «Өмір» – жоғалған иллюзиялардың, орындалмаған арман мен адал сезімнің тарихы. Мұнда адамның үміті мен сенімі, сүйіспеншілігі мен жалғыздығы, өмірге деген құштарлығы мен тағдыр алдындағы дәрменсіздігі нәзік үйлесіммен көрініс табады. Роман барон Ле Пертуи де Воның отбасы туралы баяндайды. Шығарма кейіпкерлері: баронның қызы Жанна, оның қызметшісі Розали, Жаннаның күйеуі Жюльен де Ламар. Оқиға баронның отбасылық сарайында өрбиді. Отбасы ішіндегі түсініспеушілік, қиындықтар оқиға барысын шиеленістіре түседі. Шығарманың басты объектісі өмір болғандықтан, жазушы бір отбасының тағдыры арқылы жалпы қоғамды сипаттайды.