Өмірден ештеңеге қарамастан табандылық таныт

Бұл еңбектен тағдыр сынағына мойымаған Виктор Франклдің адамға ой саларлық тұжырымдарымен танысасыз. «Өмірдің мәні не?» «Бізді тіршілікке ғашық етіп, өліммен айқасуға батылдық беретін нендей күш?» деген сұрақтарға Франкл: «Өмірдің мәні - өзгеге қуаныш сыйлау. Жаныңыздағы адамды қуанту. Адамдарға риясыз қызмет ету арқылы өзіңізді де, оны да шаттыққа бөлеу», - деп тұжырымдайды. Адамдық борышқа адалдық таныту Франклдің өмірлік ұстанымына, оның бүкіл өмірінің мәніне айналды.