Өмірзая

Баққожа Мұқайдың «Өмірзая» романы – өз халқының қамын жеп, тарихын түгендеген Аяған Қуатов пен оның ұстазы Алдияр Ақпанұлының күреске толы тағдырын баяндайтын көркем шығарма. Тоталитарлық дәуірде қитұрқы жүйе өзінің һәм халқының шындығын іздеген қазақ жігітінің адымын аштырмай, әбден азапқа салады. Бас кейіпкерге тілеулес болып, соның сөзін сөйлегендерді де аямайды. Ақырында намысы да, білімі де өз қатарынан асқан кейіпкер уақыттан, жүйеден жеңіледі. Бұл романдағы тебіренбей оқу мүмкін емес: қым-қиғаш оқиғалар, өткеннің ауыр шындығын автор кестелі тілмен жеткізеді.