Профессор Доуэльдің басы

Ресейдің танымал жазушысы Александр Беляев медицина тақырыбында бірнеше шығарма жазған. Солардың ішіндегі «Профессор Доуэльдің басы» романы шоқтығы биік туынды саналады. Шығармада қаламгер адам ағзасын ауыстыруға, табиғи бет-әлпетті өзгертуге болатынын ең алғаш көркем шығармамен-ақ дәлелдеп берді. Фантаст-жазушының мүмкін емес идеялары бертін келе ғалымдарға қанат бітіріп, медицинаның шексіз ғылым ретінде дамуына жол ашты. Сол себепті де, бұл туындыны әлем оқырмандары әлі күнге қызыға оқып келеді.