ЖЫРАУЛАРДАН ЖЫР МҰРА

Жас ұрпақтың тарихи санасын қалыптастыру мақсатында мектеп бағдарламасына сəйкестендіріліп, VIII ғасырдан ХХI ғасырға дейінгі аралықтағы жыр дүлдүлдерінің шығармаларын хронологиялық тəртіппен, яғни Иоллығ жырау, Кетбұға, Сыпыра, Асанқайғы, Қазтуған, Доспамбет, Шалкиіз, Жиембет, Ақтамберді, Бұқар, Саршуаш, Қабан, Сабдалы, Нысанбай, Махамбет, зарзаман ақындары: Дулат, Шортанбай, Мұрат, Асан Барманбекұлы т.б. ақын-жыраулардың туындылары топтастырылып, олардың нотасы қоса берілген. Тағы бір ерекшелігі, оқушы шəкірт жыр мəтінімен танысып қана қоймай, дыбыстық жазбаны тыңдап, бабалар тарихынан хабардар болады. Сөйтіп оқушының ұлт құндылықтарын бойына сіңірген дара тұлға болып қалыптасуына бұл кітаптың хрестоматиялық көмекші құрал ретінде берері мол. Кітап орта мектеп ұстаздары мен оқушыларына арналған.