Ғарышқа сапар шеккен пойыз

«Ғарышқа сапар шеккен пойыз» - Мәрт Арыктың шытырман оқиғаға толы әңгімесі. Мони мен оның достары бұрын-соңды болмаған пойыз туралы әңгіме жазады. «Ғарышқа сапар шеккен пойыз…» Бұл тақырып барлық баланы қатты қызықтырды. Ол пойыз ғарышта не істейді? Әңгіме желісі қалай өрбиді? Осы секілді сұрақтар балалардың ойын сан-саққа жүгіртті. Бірақ бәрібір олар ештеңеден қорықпай, алға қойған мақсатқа жетуді ойлауы керек. Өйткені мақсатқа жетуді жан-тәнімен қалағандар ғана сұрақтарына жауап табады. Бұл шығарма балалардың қиялына қанат бітіріп, ойын ұштайды. Жас оқырманды бірден баурап алып, қиял-ғажайып әлемге жетелейді.